Kryetari i Tiranës, krenar me arritjet për mbrojtjen e mjedisit 

Kryetari i Bashkisë së Tiranës ka nënshkruar marrëveshje bashkëpunimi me kryebashkiakë të disa kryeqyteteve evropiane për objektivat e vitit 2030, për adresimin e sfidave që lidhen me ndryshimet klimatike.

Forumi i Mjedisit i qyteteve evropiane në Gjenovë, bëri bashkë politikanë dhe kryebashkiakë nga e gjithë Evropa, për të diskutuar dhe ndarë njohuritë e praktikat më të mira për çështjet mjedisore.

“Jam shumë krenar për Tiranën, për atë që kemi arritur. Krenari të jemi një nga qytetet model, që në një kohë shumë të shkurtër ka bërë përparimin më të madh, kur vjen puna për mbjelljen e pemëve, krijimin e korsive të biçikletave,  testimin e autobusëve elektrikë, që po i fusim si flotë këtë vit, apo shumë prej ndërtesave, të cilat i kemi veshur me kapotë, për të ulur shpenzimet e energjisë”, citohet të ketë thënë Veliaj.