Ministri Cakaj paralajmëron bllokim të pasaportave diplomatike

Më shumë se 350 persona kanë pasaportë diplomatike të Shqipërisë dhe kjo shifër, për ministrin e Jashtëm, Gent Cakaj, tejkalon edhe vendet e zhvilluara.

Cakaj ka paralajmëruar bllokim të pasaportave diplomatike të personave që nuk përmbushin kushtet për të mbajtur atë dokument, përcjell albinfo.ch.

“Sot ka më tepër se 350 persona që mbajnë pasaportë diplomatike në shpërputhje me ligjin, si deputetë matanë legjislaturës, gjykatës që nuk kanë kaluar Vettingun si dhe shoqërues të personazheve të njohur. I ftoj të gjithë të dorëzojnë pasaportën diplomatike, sepse do të bllokohet menjëherë dhe do të shpallet e pavlefshme”, deklaroi ministri i Jashtëm.