Shpenzimet luksoze të kryetarëve të komunave bëjnë që Zaev të reagojë

Kryeministri i Maqedonisë së Veriut, Zoran Zaev, ka thënë se është i zhgënjyer me mënyrën se si disa kryetarë komunash i shpenzojnë paratë publike.

Ai ka thënë se në vend se ata të shlyerjen borxhet për qëllimet e të cilave u ndanë 50 milion euro nga buxheti qendror, ata po shpnezojnë për luks. Kryeministri thotë se të gjithë do të përgjigjen para qytetarëve dhe votuesve.

Pak ditë më parë, Ministri i Financave Dragan Tevdovski njoftoi se shpërndarja e papërgjegjshme e parave publike nga disa kryetarë të komunave do të zvogëlohet nëpërmjet rregullit fiskal.

Komuna e Strugës e cila është në borxhe mbi 4 milion euro, ka vendosur të blejë vetura të reja në vlerë prej 100 mijë euro, nga të cilat vetëm vetura e kryetarit të komunës Ramiz Merko kushton 67 mijë euro.