Arrestohen 37 protestues në Tiranë

Policia e Tiranës ka njoftuar se kanë arrestuar 37 protestues dhe janë në ndjekje edhe të 61 personave të tjerë të dyshuar për shkatërrimin e pronës publike. 

Mes personave që po ndiqet penalisht është edhe sekretari i përgjithshëm i Partisë Demokratike, Gazment Bardhi. 

Sipas policisë, veprimet procedurale janë kryer në bazë të një analize të pamjeve filmike, raport i shërbimeve, si dhe provave të tjera të mbledhura nga grupi hetimor.

Gjatë protestës së djeshme kanë mbetur të lënduar nga veprimet e dhunshme 5 pjesëtarë të policisë, të cilët ndodhen jashtë rrezikut për jetën.

“Po punohet për identifikimin, kapjen dhe vënien para përgjegjësisë ligjore të personave të tjerë që kanë kryer veprime të dhunshme gjatë protestës së djeshme”, thuhet në njoftimin e Policisë.