Shaqiri me shokë kërkon kualifikimin në gjysmëfinale të CHL-së

(AP Photo/Jon Super)

Liverpooli i Xherdan Shaqirit do të kërkojë sonte kualifikimin për në gjysmëfinale të Ligës së Kampionvë për t`iu bashkuar dy ekipeve që një ditë më parë e arritën atë Ajaxi dhe Barcelona.  Për ta bërë këtë skuadrës së Liverpoolit i duhet që në 90 minutat e ardhshëm të mos pësojë humbje më rezultat më të madh se 2:0 nga Porto, pasi në ndeshjen e parë skuadra angleze shënoi fitore 2:0.  

Vitin e kaluar Liverpool e kishte mposhtur me rezultat 5:0 në stadiumin e saj Porton, mirëpo Jurgen Klopp e ka paralajmëruar skuadrën e tij se do të përballen me një sfidë më të vështirë këtë herë. Skuadra e Jurgen Kloppit do të tentojë ta mbrojë rezultatin e ndeshjes së parë dhe pritet të luajë me kundërsulme. , siç kishin luajtur në ndeshjen e kaluar në këtë stadium, kur i kishin turpëruar vendasit, përcjell albinfo.ch.

Goli i parë në këtë ndeshje do të jetë shumë i rëndësishëm. Kohëve të fundit në ligë por edhe në këtë garë Xherdan Shaqirit nuk i është dhënë hapësirë por shpresojmë që sonte ai të jetë në formacionin titullar.