Kolona të gjata në kufijtë e Shqipërisë

Sipas medieve shqiptare, në pikëkalimin e Muriçanit, që ndanë Shqipërinë me Malin e Zi, kolonat kanë arritur deri në 4 kilometra

Pas pushimeve të fundvitit, shumica e mërgimtarëve kanë filluar të kthehen nëpër vendet e punës, ndërsa sikur gjatë ardhjes, edhe gjatë kthimit janë shkaktuar kolona të gjata në pikat kufitare.

Sipas medieve shqiptare, në pikëkalimin e Muriçanit, që ndanë Shqipërinë me Malin e Zi, kolonat kanë arritur deri në 4 kilometra.

Bashkatdhetarët, nga Shqipëria, por edhe nga Kosova që ndjekin magjistralen e Adriatikut, presin në radhë që prej për të kaluar kufirin. Vonesat, siç raportohet, po bëhen kryesisht nga autoritetet shqiptare.

Shkak për këto vonesa, sipas policisë doganore, është kontrolli i imtësishëm i dokumenteve dhe automjeteve.

“Aktualisht në këtë pikë doganore po punohet me katër sportele. Prej datës dy janar nga kjo pikë kufitare kanë dalë 7988 persona”, citojnë mediet shqiptare raportin e policisë.

Gjithashtu fluks të emigrantëve të cilët kthehen në vendet e tyre  të punës ka pasur edhe pikën kufitare të Kapshticës dhe Kakavijës. Madje në këtë të fundit, është fluksi më i madh për dalje, ndërsa sipas policisë shqiptare, brenda 24 orëve të fundit kanë kaluar më shumë 1100 automjete.