Kosovë: Të pagjeturit, pjesë thelbësore e historisë

YIHR Ks

20 vjet pas luftës Kosovës i mungojnë 1647 qytetarë. Qindra familje ende nuk dinë asgjë për fatin e të afërmve të tyre, shkruan albinfo.ch.

E më 27 prill, kur shënohet Dita Kombëtare e të Pagjeturve, Iniciativa e të Rinjve për të Drejtat e Njeriut (YIHR KS) do të mbajë një aksion simbolik në Prishtinë për të përkujtuar të pagjeturit.

“Përmes këtij aksioni, do t’ia përkujtojmë edhe një herë Qeverisë përgjegjësinë ligjore dhe morale që ka për të trajtuar me seriozitet këtë çështje, dhe shoqërisë kosovare përgjegjësinë kolektive që ka për të mos harruar. Të pagjeturit janë dhe do të mbeten gjithmonë pjesë thelbësore e historisë tonë kolektive”, kanë njoftuar organizatorët, përcjell albinfo.ch.

Ky aksion simbolik do të mbahet në sheshin “Ibrahim Rugova”, pranë Parlamentit të Kosovës, me fillim nga ora 17:30.

YIHR po ashtu u ka bërë thirrje qytetarëve që të dalin në këtë aksion dhe të ndezin nga një qiri për të pagjeturit.