Panairi i veturave të vjetra, para Kryeministrisë në Tiranë

Dhjetëra vetura të vjetra janë ekspozuar në ambientet e jashtme të ndërtesës së Kryeministrisë në Tiranë.

Bëhet fjalë për mjete të vjetra të llojit Mercedes Benz, Rolls Royce, Ford Mustang, Porsche etj., të cilat janë ekspozuar aty në kuadër të një nisme të ndërmarrë nga Blendi Gonxhja, drejtor i përgjithshëm i Shërbimeve të Transportit Rrugor, në Ministrinë e Infrastrukturës dhe Energjisë së Shqipërisë.

Veturat e vjetra janë parkuar përreth godinës së Kryeministrisë në kuadër të aktivitetit “RETROPUBLIK” që po zhvillohet në ambientet “Center For Openness And Dialogue”.