Mjegulla e dendur që kishte përfshirë në mëngjes Aeroportin Ndërkombëtar “Adem Jashari” në Prishtinë është hequr pas ditë duk e kthyer në normalitete trafikuan ajror në Kosovë. Kështu deklaroi për “albinfo.ch” Valentina Gara zëdhënie e Aeroportit të Prishtinës.   

Sipas saj, në mëngjes situata ka qenë më e vështirësuar, duke pamundësuar nisjen e aeroplanëve, mirëpo pasdite gjithçka i është kthyer normalitetit, dhe të gjitha flurimet janë zhvilluar normalisht.

 

Mjegulla ka mbyllur edhe aeroportet e Maqedonisë, njoftojnë mediet e atjeshme. Sipas tyre, për këtë shkak po zhvillohet me vështirësi edhe komunikacioni rrugor.
 
Raportohet se avionët që duhej të fluturonin në Shkup janë orientuar drejt aeroporteve të vendeve fqinje – Sofje e Beograd, raportojnë mediet në Prishtinë.
 
Ndryshe, gjatë muajit të fundit pjesa më e madhe e Evropës Juglindore është përfshirë nga valë e mjegullave, të cilat kanë vështirësuar dukshëm qarkullimin e njerëzve dhe mallrave. Megjithatë meteorologët kanë paralajmëruar ndryshim klimatik gjatë kësaj jave.