Parlamenti Evropian miraton rezolutën për Kosovën

Rezoluta u benë thirrje pesë shteteve anëtare të BE-së, Greqisë, Sllovakisë, Qipros, Rumanisë dhe Spanjës, që ta njohin pavarësinë e Kosovës

Parlamenti Evropian me shumicë votash ka miratuar një rezolutë për Kosovën të cilin e ka iniciuar europarlamentarja Ulrike Luçack, me të cilën u bëhet rhirrje pesë shteteve anëtare të BE-së që nuk e kanë njohur Kosovën, Greqisë, Sllovakisë, Qipros, Rumanisë dhe Spanjës, që ta njohin pavarësinë e Kosovës.     

Rezoluta u miratua me 485 vota për dhe 94 kundër.

Lunacek ka thënë se mosnjohja e Kosovës nga pesë vendet e Bashkimit Evropian është duke penguar zhvillimin e Kosovës, ndërsa kosovarëve ua krijon ndjenjën se janë qytetarë të klasës së dytë. Rezoluta bën ftesë që të bëhet më shumë në luftën kundër korrupsionit dhe krimit të organizuar.

“Ndikimi pozitiv i BE-së në Kosovë është dobësuar në vazhdimësi për shkak të mosmarrëveshjeve brenda BE-së”, citon lajmi.net eurodeputeten Lunacek, e cila iu kanë bërë thirrje autoriteteve në Kosovë për të përmirësuar efikasitetin, transparencën, përgjegjshmërinë dhe paanshmërinë në gjyqësor.

“Për t’ju përafruar standardeve të Evropës, Kosova duhet të punojnë më shumë që të zgjidhin problemet me sundimin e ligjit, luftën kundër korrupsionit dhe krimit të organizuar”, deklaroi me tej ajo.

Zëvendësministri i Jashtëm i Greqisë, Dimitros Kurkulas në emër Këshillit të Ministrave të BE-së, ka deklaruar se arritja e marrëveshjes Prishtinë-Beograd, ka qenë një rezultat i cili nuk është pritur nga askush.

Komisioneri i BE-së për Zgjerim, Stefan Fule ka vlerësuar se marrëveshja Prishtinë-Beograd, “normalizimin e marrëdhënieve në mes të Kosovës dhe Serbisë dhe ka ndikuar në përmirësimin e gjendjes në terren, veçanërisht në Veri të Kosovës”.