Fillon rrënimi i objekteve pa leje

Objekti i rrënuar është pronë e deputetit të Aleancës për Ardhmërinë e Kosovës (AAK), Ramiz Kelmendi, i cili menaxhon rrjetin e marketeve ETC dhe Elkos

Kryetari i ri i Prishtinës, Shpend Ahmeti duket se do t’i mbajë premtimet që i kishte dhënë gjatë fushatës, për t’i rrënuar të gjitha objektet pa leje ndërtimi. Me vendimin e qeverisjes së tij, të premten në mesditë u rrënua objekti i parë pa leje ndërtimi në  Lagjen “Kodra e Trimave”.

Sipas medieve në Prishtinë, objekti i rrënuar është pronë e deputetit të Aleancës për Ardhmërinë e Kosovës (AAK), Ramiz Kelmendi, i cili menaxhon rrjetin e marketeve ETC dhe Elkos.

“Është bërë rrënimi i një pjese të objektit me leje të ndërtimit, pasi që inspektorët kanë konstatuar se ka tejkalim të lejes”, thuhet në njoftimin e lëshuar nga Komuna e Prishtinë, sipas të cilës, deri të masa për rrënim ka ardhur pas tri inspektimeve në këtë lokacion.