Pedofilët do të kastrohen në Maqedoni

Parlamenti i Maqedonisë ka miratuar ligjin, me të cilin parashihet “kastrimi kimik” për pedofilët e dënuar, si dhe dënime të rrepta që shkojnë deri në burgim të përjetshëm

Parlamenti i Maqedonisë ka miratuar një ligj të ri që do të ashpërsojë dënimet  për pedofilët, duke përfshirë edhe “kastrimin kimik”, bëjnë të ditur mediat në Shkup.

Maqedonia është vendi i parë ballkanik që ndërmerr një nismë të tillë.

Ministri maqedonas i Punëve Sociale, Dime Spasov tha se “kastrimi  kimik” (barnat që ulin aktivitetin seksual), të kryera në institucione të specializuara do të duhej të bëhej në çdo gjashtë muaj, pasi autori i një vepre të ketë kryer dënimin.

Pedofilët e dënuar së pari mund të zgjedhin ndërmjet dënimit me “kastrim kimik” në vend të dënimit me burgim.

Rusia, Danimarka dhe Polonia janë disa nga vendet që kanë aplikuar “tredhjen kimike”.

Projektligji gjithashtu përfshin një rritje të dënimeve me burgim për shkelësit deri te burgimi i përjetshëm për abuzimin e rëndë seksual të fëmijëve.

Vitin e kaluar Maqedonia u bë vendi i parë në Ballkan, i cili ka publikuar në internet një listë të të burgosurve të dënuar, me fotot, emrat dhe adresat e tyre.

Që nga viti 2004 janë dënuar më shumë se 230 njerëz për abuzim seksual të fëmijëve dhe të miturve në Maqedoni.