Shaqiri e kërkon titullin e dytë në Ligën e Kampionëve

Xherdan Shaqiri do të tentojë të fitojë titullin e dytë në Ligën e Kampionëve, pasi një trofe e ka fituar me Bayern Munich

Liverpooli arriti një sukses të jashtëzakonshëm, duke u kualifikuar në finalen e Ligës së Kampionëve, pasi përmbysi Barcelonën 4:0, edhe pse kishte humbur në takimin e parë 3:0.

Pas një kohe të gjatë Xherdan Shaqiri luajti nga fillimi, por ishte ndër më të mirët në fushë. Shaqiri u vlerësua me notën 7.2, derisa luajti deri në minutën e 90-të.

Pas ndeshjes atë e lavdëroi edhe trajneri Jurgen Klopp. “Para ndeshjes iu thash futbollistëve se është e pamundur, por ne jemi Liverpool dhe kemi shanse. Unë kam shikuar shumë ndeshje të futbollit, por të luash kundër ekipit më të mirë në botë dhe të mos pësosh gol është fantastike. Shaqiri, Origi, Wijnaldum dhe Allison ishin fantastik”, deklaroi trajneri Klopp pas ndeshjes, përcjell albinfo.ch.

Kështu Liverpooli e pret në finale fituesin e ndeshje Ajax-Tottenham, ku holandezët fituan 1:0 ndeshjen e parë, derisa takimi i kthimit zhvillohet sonte (21:00).

Shaqiri do të tentojë të fitojë titullin e dytë në Ligën e Kampionëve, pasi një trofe e ka fituar me Bayern Munich.

---