Shaqiri: Është e mahnitshme ajo çfarë ka ndodhur

Keystone EPA/PETER POWELL

Liverpooli arriti përmbysje të çmendur ndaj Barcelonës, ku pakkush e besonte se do të ndodhte një gjë e tillë.

“Të Kuqtë” fituan 4:0, dhe u kualifikuan në finalen e madhe të Ligës së Kampionëve, edhe pse kishin humbur takimin e parë 3:0, përcjell albinfo.ch.

Xherdan Shaqiri pas një kohe të gjatë luajti nga fillimi dhe ishte shumë i kënaqur me kualifikimin. “Jam jashtëzakonisht krenar me këtë ekip çfarë ka arritur. Është e mahnitshme ajo që ndodhi këtu, jam i tronditur. Është e papërshkrueshme se çfarë kemi arritur”, ka theksuar futbollisti shqiptar.

Tifozët gjithmonë u japin motiv shtesë. “Ne e dinim se ishim një fuqi në shtëpi. Tifozët tanë janë në gjendje të japin shpirtin dhe kjo na shtynë të luajmë edhe më mirë”, shton tutje ylli shqiptar.

Ai e ka të vështirë të tregojë se çfarë ndodhi në të vërtetë. “Siç e thashë, është aq e vështirë që të gjesh fjalë për ta përshkruar. Mund të them vetëm se kurrë nuk kam përjetuar diçka të tillë. Kjo nuk ndodh çdo ditë”, nënvizon Shaqiri.

Ai nuk ka luajtur shumë kohët e fundit. “Nuk ishte e lehtë për mua në tre muajt e fundit. Unë nuk luaja aq shumë, por gjithmonë prisja shansin tim, stërvitja shumë. Ky është futbolli, ky është një klub i madh, ju duhet të sillni punën tuaj. Kjo është arsyeja pse kam bërë një punë të shkëlqyer këtë sezon”, u shpreh ndër të tjera Shaqiri.