Xhaka, lojtari që shkakton më së shumti penallti te Arsenali

Mesfushori Granit Xhaka është i njohur për saktësi në pasime dhe për lojë të mirë. Por Xhaka këtë vit ka pasur një karakteristik tjetër që nuk u ka pëlqyer shumë tifozëve të klubit londinez, transmeton albinfo.ch.

Xhaka është bërë lojtari që ka shkaktuar më shumë penallti për Arsenalin.

Mesfushori që i kushtoi klubit 40 milionë euro, ka shkaktuar katër penallti që nga viti kur u transferua në Angli dhe është bërë lojtari që ka thyer rekord të padëshiruar tek Arsenali.

Xhaka shpesh është kritikuar nga tifozët për disa ndërhyrje të pamenduara në mesfushë.

Ai ishte fajtori kryesor që në ndeshjen e fundit Arsenali barazoi në shtëpi ndaj Brigtonit pasi shkaktoi penallti.

Megjithatë mesfushori i Kombëtares së Zvicrës në Premier Leaguen e Anglisë këtë edicion ka shënuar katër gola dhe ka asistuar dy herë në 29 paraqitje.