Sulmohet objekti i Policisë në Tiranë nga protestuesit

Pamje nga VOA

Protestuesit kanë nisur sulmin ndaj Drejtorisë së Policisë së Tiranës.

Fishekzjarrë dhe flakadanë janë hedhur drejt ndërtesës, para se protestuesit të vazhdonin marshimin, raporton tch, përcjell Albinfo.ch.

Basha thotë se Rama po e shkatërron Shqipërinë përmes krimit

Kryetari i Partisë Demokratike, Lulzim Basha, ka bërë thirrje për largimin e qeverisë aktuale, pasi ajo, sipas tij, përmes krimit të organizuar po e shkatërron vendin.

Në fjalimin e tij para masës së mbledhur në protestën e opozitës që po mbahet në Tiranë, kreu demokrat tha se Rama ofron dhunën si mjetin e vetëm për zgjidhje.

“Ky është parlament jolegjitim, kjo është qeveri jolegjitime”, tha Basha.

Ai akuzoi qeverinë aktuale për dhunën në protestën e së shtunës ndaj protestuesve, duke thënë se vetëm dhuna zgjedhore është ajo që mban Qeverinë Rama në pushtet.

“Ne jemi në betejë për ta çliruar Shqipërinë nga krimi dhe korrupsioni, ne jemi për Kushtetutë dhe për të drejtën e qytetarëve”, u shpreh ai, transmeton KP.