Zvicerani Klossner, arbitri i ndeshjes Kosova-Haiti

FIFA ia ka besuar zviceranit Stephan Klossner, ndarjen e drejtësisë në ndeshjen e parë historike që kombëtarja kosovare e luan kundër reprezentacionit të Haitit

Asociacioni i Federatave Botërore të Futbollit (FIFA) i ka besuar arbitrit zviceran Stephan Klossner, ndarjen e drejtësisë në ndeshjen e parë historike që kombëtarja kosovare e luan kundër reprezentacionit të Haitit, me 5 mars në Stadiumin “Adem Jashari” në Mitrovicë.

Edhe arbritrat asistentë po ashtu do të jenë nga Zvicra. sipas FIFA-s, arbitrin Stephan Klossner do ta ndihmojnë zviceranët tjer: Vital Jobin, Stephane A. Rodrigues Almedida dhe Fedayi San.

Kryetari i Federatës së Futbollit të Kosovës, Fadil Vokrri për këtë ndeshje e ka ftuar edhe presidentin e FIFA-s, Sepp Blatter, por ky i fundit ka thënë se nuk do të mund të vij në Kosovës, por vendin e tij e zë i deleguari i tij, Walter Gagg, drejtor i FIFA-s dhe këshilltar i posaçëm i Blatter-it.

Po ashtu në ndeshje, siç raporton FFK, do të jetë i pranishëm edhe drejtori për siguri i FIFA-s, Wilhelmus Van Rhee.

 Ndryshe, 32 vjeçari Klossner është doktor i Biologjisë, i cili nga viti 2010 është arbitër futbolli në Ligën e Parë të Zvicrës, kurse nga viti 2012 mban emblemën e FIFA-së. Edhe asistentët e Klosner po ashtu janë nga Liga e Zvicrës të dëshmuar për referim cilësor.