Vrasje në Prishtinë, arrestohet dorasi

Siç raportohet në mediet, dhëndëri e ka vrarë mikun e tij, ndërsa e ka plagosur vëllanë e tij. Ngjarja ka ndodhur për çështje pronësore

Një vrasje e rëndë ka ndodhur të shtunën mbrëma në lagjen Bregu i Diellit në Prishtinë, ku për një mosmarrëveshje pronësore, një person është vrarë dhe një tjetër është plagosur. Sot në mëngjes Policia e Kosovës ka njoftuar se ka arrestuar vrasësin shqiptar me nënshtetësi të Serbisë.  

Siç raportohet në medie, dhëndëri e ka vrarë mikun e tij, ndërsa e ka plagosur vëllanë e tij. Sipas informatave, vrasësi është nga Lugina e Preshevës, ndërsa mosmarrëveshjet kanë lindur për çështje pronësore.

Përfaqësuesja e Policisë së Kosovës, Flora Ahmeti tha se në vendin e ngjarjes janë ndalur dy veturat, një Golf 4 si dhe Audi A3, që të dyja me ngjyrë të zezë dhe me targa VR (Vranjë-Serbi).

Ngjarja ka ndodhur në udhëkryqin, para Ministrisë së Arsimit në Prishtinë, saktësisht në rrugën “Shaip Spahiu”. Burime të IO raportojnë se i plagosuri është dërguar në Qendrën Emergjente në Qendrën Klinike dhe Universitare të Kosovë, ndërsa vrasësi është zënë më vonë nga policia.

Kjo ngjarje ka tronditur qytetarët e Prishtinës, pasi që një kohë që nuk kanë ndodhur skena të tilla rrëqethëse në qendër të qytetit.