9 vjet burg për ish-kryeministrin kroat

Ish-kryeministri i Krocisë, Ivo Sanader është gjetur fajtor për shpërdorim të fondeve publike në shuma milionëshe

“Fimi Media” është një rast korrupsioni ku është përfshirë edhe ish-kryeministri kroat, Ivo Sanader.

9 vjet heqje lirie është verdikti i një Gjykate kroate në Zagreb kundër Sanaderit.

Ish-kryeministri Sanader dhe partia e tij politike Unioni Demokratik Kroat akuzohen per devijim te me shume se 9 milione eurove, nga fondet publike, duke perdorur agjensine e marketingut, „Fimi Media“.

E tërë ngjarja ka ndodhur ndërmjet 2003-2009.

Më shume se 2 milionë euro pritet t’i konfiskohen ish kryeministrit kroat, nderkaq partia e tij do të paguaje një demshperblim prej 3 milionë eurosh.

Pos parave që janë në llogaritë e tij dhe të gruas, të vajzave të tij dhe të miqve, familjes Sanader do t’ju merren edhe veprat artistike të gjetura në shtëpi.

Ky eshte denimi i dytë për ish-kryeministrin kroat, Ivo Sanader. Ne vitin 2012 ai u dënua me 10 vjet burg, në shuma prej miliona eurosh.