Detaje nga aksidenti i Reyes: Shpejtësia 237 km/h dhe shpërthimi i gomës

Jose Antonio Reyes ditë më parë ka vdekur në një aksident trafiku, duke shokuar botën e futbollit.

E përditshmja sportive “Mundo Deportivo” ka rindërtuar edhe një herë dinamikën e aksidentit që i kushtoi jetën ish-lojtarit të Arsenalit dhe Real Madridit, por edhe Spanjës, përcjell albinfo.ch.

Vetura e tij, e tipit Mercedes Brabus S550, në të cilën po udhëtonte, në momentin e përplasjes ishte me shpejtësinë e çmendur prej 237 km/h.

Por, shkaktari i aksidentit fatal nuk ka qenë shpejtësia, por shpërthimi i njërës prej gomave, e cila bëri që drejtuesi i mjetit të humbte kontrollin.

Futbollisti spanjoll ndërroi jetë të shtunën në moshën 35-vjeçare, në zonën e Utera.

Reyes, që luante me Extremadura, po kthehej në shtëpi pas stërvitjes kur ndodhi aksidenti tragjik.

Për pasojë humbi jetën edhe nipi i tij, 23-vjeçar, ndërsa një familjar tjetër është në gjendje të rëndë.