Kompromis mes CDU-së dhe SPD-së: Shqipëria “vend i sigurt” në këmbim të ligjit të dyshtetësisë

SPD kërkon mundësinë që të huajt të mbajnë dy shtetësi. Sipas ligjit të ri do të përfitonin edhe migrantët e rinj që e kanë dorëzuar pasportën e vendit të prejardhjes

Pak ditë më parë ministri i brendshëm gjerman ,De Maiziere kishte deklaruar se disa shtete të Ballkanit Perëndimor do të futen në listën e „shteteve të sigurta“, në mënyrë që azilkërkuesit nga shtetet në fjalë të mund të dëbohen me procedurë të shkurtuar.

Bëhej fjalë për Bosnjën ,Serbinë dhe Maqedoninë. Vetë ministri, si përfaqësues i partisë CDU në kalicionin e madh, ishte i interesuar që kjo listë të zgjerohej, duke futur edhe Shqipërinë dhe Malin e Zi, por partia tjetër në koalicion SPD nuk e kishte lejuar këtë zgjerim.

Ndërkohë CDU si parti më e madhe, ka këmbëngulur që në projektligjin për vendet e sigurta të bëhet vend edhe për Shqipërinë dhe Malin e Zi, gjë që kësaj here SPD-ja duket se do ta pranojë. Por, si kundërçmim ajo kërkon zbutje në ligjin e dyshtetësisë, shkruan „Die Welt“.

„Kuotat e njohjes së azilit për azilkërkuesit e dy vendeve të fundit janë tepër të ulëta“, ka thënë një zëdhënës i fraksionit të CDU-CSU-së në bundestagun gjerman, duke folur për gazetën e përmendur lidhur me planet për zgjerimin e listës.

Ndërkohë numri i azilkërkuesve nga Shqipëria kohëve të fundit ka shënuar rritje të madhe në Gjermani, pasi që Franca e ka kategoriziar Shqipërinë si „vend të sigurt“. Zëdhënësi ka thënë se është duke  ushqyrtuar dhe mundësia që azilkërkuesve një herë të dëbuar t`u ndalohet hyrja e sërishme në Gjermani:

Së fundi as zëdhënësi i SPD-së në Bundestag nuk është shprehur kundër zgerimit të listës edhe me Shqipërinë dhe Malin e Zi.

Por SPD kërkon si kundërshpërblim mundësinë që të huajt të mbajnë dy shtetësi. Sipas ligjit të ri të propozuar për dyshtetësinë, do të përfitonin edhe migrantët e rinj që tashmë e kanë dorëzuar pasaportën e vendit të prejardhjes.

Sot pritet që kabineti qeveritar të konusltohet me Ministrinë e Brendshme lidhur me projektligjin për dyshtetësinë.