Shqiptarët në Sllovaki mbledhin ndihma për komunitetet në nevojë

Foto: Ambasada Shqiptare Sllovaki (Facebook)

Në Ditën Ndërkombëtare të Refugjatëve, komuniteti shqiptar në Bratisllavë (Sllovaki) i janë bashkangjitur një aktiviteti humanitar, përcjell albinfo.ch.

Siç njofton Ambasada Shqiptare në Sllovaki, komuniteti shqiptar në Bratislavë dhe përfaqësia, në bashkëpunim me organizata e shoqata në mbështetje të emigrantëve kanë marrë pjesë në paradën-panairin në mbledhjen e ndihmave për komunitetet në nevojë/të huaja, në Sllovaki.

Gjatë këtij organizimi, shqiptarët janë kujdesur që të promovojnë edhe destinacionet turistike shqiptare.

“Në bashkëpunim me shoqatën e studentëve shqiptarë hapëm stendën me promovime të destinacioneve turistike të trojeve shqiptare, botimeve artistike, si dhe produkteve tradicionale shqiptare, duke ua ofruar fondet e mbledhura organizatorëve të aktivitetit për bamirësi”, thuhet në njoftimin e ambasadës.