Arinjtë kosovarë në shtratin e operacionit!

Një grup prej katër veterinarësh u kanë bërë kontrollimin shëndetësor gjashtë arinjve të rritur dhe tre të vegjëlve. Në mesin e tyre, edhe një mjek dhëmbësh

Kohë më parë, një numër arinjsh kosovarë të mbajtur si “kafshe shtëpiake” apo “atraksione cirku” qenë liruar nga “robëria” me ndërhyrjen e organizatë Vier Pfoten”. Pastaj ata qenë lënë të jetojnë në kushte  përafërta me ato natyrore në një park të ngritur enkas për ta, nga organizata në fjalë, diku në rrethinën e Prishtinës.

Ditë më parë, një grup prej katër veterinarësh kanë shkuar atje për t`u bërë një kontrollim shëndetësor gjashtë arinjve të rritur dhe tre të vegjëlve. Në mesin e tyre ka qenë edhe një mjek dhëmbësh.

Austriakja Johanna Painer ka qenë në mesin e grupit që ka marrë pjesë në kontrollimin e arinjve, gjegjësisht është kujdesur për ta në “shtratin e operacionit”. Të gjithë janë mirë e shëndet, është konstatuar ndërsa tre prej tyre (të cilëve u janë implantuar çipa) duhet të lihen të lirë për të vazhduar jetën në kushte natyrore.

Në gjendje të mirë shëndetësore janë edhe tre të vegjlit: Ema, Oska dhe Roni, që supozohet se janë të një familjeje.