Konstituohet Parlamenti i Maqedonisë

Përbërja e re e Parlamentit do të ketë 61 deputetë të VMRO-DPMNE, 19 nga BDI, 7 nga PDSH dhe 1 nga GROM. LSDM e bojkoton këtë përbërje

Sot bëhet konstituimi i Parlamentit ë ri të Maqedonisë. Kryetari i përbërjes së kaluar parlamentare, Trajko Veljanovski nënshkroi dje pasdite vendimin për konvokimin e seancës së parë konstituive për sot të përbërjes së re të tetë të Parlamentit të Maqedonisë, shkruan agjencia ina. Mbledhja është caktuar në orën 13:00.

Përbërja e re e Parlamentit do të ketë 61 deputetë të VMRO-DPMNE, 19 nga BDI, 7 nga PDSH dhe 1 nga GROM-i.

Opozita e kryesuar nga LSDM fitoi 34 mandate, por ajo vendosi t’i kthejë ato duke mos qenë pjesëmarrëse në institucionin legjislativ, për shkak të mosnjohjes së zgjedhjeve.