Ekonominë e Nju Jorkut e kanë forcuar emigrantët

Një studim tregon se emigrantët kanë dhënë kontributin e tyre sidomos në arritjet ekonomike të Nju Jorkut

Emigrantët përbëjnë më shumë se 40 për qind të popullsisë së qytetit duke krijuar qytetin e tretë më të madh në Amerikë, thotë komisionerja për imgracionin Nisha Agarwal.

“Qyteti ynë është i pasur për nga imigracioni. Ata janë në shkolla dhe forcë shtytëse e ekonomisë në të gjitha nivelet dhe profesionet. Duhet ta mbështesim këtë sepse përfiton mbarë qyteti.” , tha Agarwal
 
Sic raporton VoA, një studim i tillë i pavarur nga Americas Society/Council of the Americas, ose shkurtimisht AS/COA,   bie ndesh me një perceptim të përgjithshëm që lidh imigrantët me varfërinë dhe krimin.
 
Studimi analizon statistikat në rritje të imigrantëve dhe të dhënat e policisë për krimet nga viti 1990 deri 2010.

Ekonomia dhe cilësia e jetës për qytetin e Nju Jorkut njohën përmirësim të madh në këtë periudhë, kryesisht në lagjet e varfëra.

Autori i raportit Jacob Bigdor shpjegon arsyen. 

“Imigrantët shkojnë tek lagjet e varfëra sepse qiratë janë më të përballueshme dhe kështu i stabilizojnë ato lagje. Po ashtu shtojnë të ardhurat nga qiratë dhe reduktojnë situatat e padëshiruara. Këto çojnë në uljen e krimeve.” 
 
Imigrantët që vijnë në Amerikë kanë gjasa më të vogla të kryejnë krime dhe më shumë shanse të punojnë pa pushim, thotë profesori Robert Thomson me Universitetin e Harvardit.
 
Sipërmarrjet e imigrantëve po ashtu ndihmojnë ekonominë e qytetit.

Shpesh imigrantët bëjnë punë që vendasit nuk i preferojnë, thotë Kate Brick që punon për Americas Society/Council of the Americas.

Studimi për 3 milione emigrantët e Nju Jorkut do të shërbej si shembul edhe për qytetet të tjera amerikane të mirëpresin imigrantët në mënyrë që të gjithë të përfitojnë.