Opozita akuzon KQZ-në për falsifikim të pjesëmarrjes në votimet lokale

Partia Demokratike akuzoi Komisionin Qendror të Zgjedhjeve për falsifikim të pjesëmarrjes së qytetarëve në votimin për zgjedhjet vendore të 30 qershorit.

Sekretari për Çështjet Zgjedhore, Ivi Kaso, në një deklaratë për mediat paralajmëroi katër anëtarët e PS-së në KQZ se do të mbajnë përgjegjësi ligjore për falsifikimin, përcjell albinfo.ch.

Sipas tij, pjesëmarrja në votim në shkallë vendi ka qenë 15%.

“Operacioni i drejtuar nga Edi Rama për falsifikimin e pjesëmarrjes në votimet e tij njëpartiake dhe të paligjshme po vazhdon deri në fund. KQZ i paligjshëm me katër anëtarë vetëm nga PS mashtroi shqiptarët dhe partnerët për numrin e vërtetë të atyre që kanë votuar gjatë gjithë ditës dhe deri në fund të farsës”, ka thënë Kaso.