Ekonomia shqiptare në ngritje

Banka Botërore në raportin qershorit “Perspektiva Ekonomike Globale”, për Shqipërinë ka nota pozitive. Sipas BB-së, ekonomia shqiptare po zhvillohet

Ekonomia shqiptare parashikon të shënoj rritje graduale gjatë viteve të ardhshme, nga 2,1 për qind sa është këtë vit në 3,6 për qind në vitin 2016. Kështu konsideron Banka Botërore në raportin qershorit “Perspektiva Ekonomike Globale”, ku për Shqipërinë ka nota pozitive.

Për këtë viti, rritja ekonomike parashikohet të rritet prej 2.1 për qind, për t’u përshpejtuar më pas në 3.3 për qind në vitin 2015 dhe në 3.6 për qind në vitin 2016.

Ndërkohë, bilanci i llogarisë korente pritet të përkeqësohet, nga -10.3 për qind e PBB-së në vitin 2014, në -14.8 për qind të PBB-së në 2016, duke qenë më i larti në gjithë rajonin e Evropës Qendrore Lindore e Juglindore, pas Malit të Zi, raporton “tema”.

Rritja e konsumit privat do të vijojë të jetë negative edhe për vitin 2014, me -1.2 për qind  për t’u kthyer pozitive në vitet në vijim, përkatësisht 4.3 për qind dhe 4.7 për qind në 2015 dhe 2016.

Për ekonominë globale, raporti i BB parashikon që pavarësisht dobësive fillestare, PBB-ja botërore pritet të zgjerohet me 3.4 për qind në 2015 dhe 3.5 për qind ë 2016, duke qenë gjerësisht në linjë me parashikimet e mëparshme.

Për Evropën Juglindore, Shqipërinë, Bullgarinë, Bosnje e Hercegovinën, Maqedoninë, Malin e Zi dhe Serbinë, sipas raportit të Bankës Botërore, ka rrezik që rritjen ekonomike ta pengojnë përmbytjet shkatërruese që ndodhën disa muaj më parë, veçanërisht në Serbi dhe Bosnjë Hercegovine.