Ky shtet vendos taksa në bileta të aeroplanit

1,5 euro për klasën ekonomike për fluturimet e brendshme dhe brenda Evropës

Franca ka vendosur aplikimin duke filluar nga viti 2020 të një takse ekologjike nga 1,5 deri në 18 euro për çdo biletë avioni.

Kjo masë, pritet të sjellë duke filluar nga viti 2020, 280 milionë euro në vit që do t’i dedikohen investimeve në infrastrukturat e transporteve më ekologjike, kryesisht ato hekurudhore, transmeton ATSH.

Kjo taksë, që do t’i aplikohet fluturimeve me nisje nga Franca dhe jo atyre në mbërritje, do të jetë 1,5 euro për klasën ekonomike për fluturimet e brendshme dhe brenda Evropës, nëntë euro për fluturimet e klasës biznes, tre euro për fluturimet e klasës ekonomi jashtë Bashkimit Evropian dhe 18 euro për këto fluturime në klasën biznes, përcjell albinfo.ch.

---