Xhaka, i gatshëm të bëhet kapiten i Arsenalit

Mesfushori shqiptar është i gatshëm të bëhet edhe kapiten i skuadrës londineze

Granit Xhaka është një lider në fushë dhe jashtë saj. Ai është kapiteni i dytë te Zvicra pas Stephan Lichtsteiner.

Por, Xhaka mund të bëhet kapiten në edicionin e ri në Arsenal. “Për momentin Koscienly ka kontratë me neve, mirëpo ne do të flasim dhe shohim nëse ai do të largohet. Kapiteni i ardhshëm mund të jetë Granit Xhaka, i cili vitin e kaluar ka luajtur shumë si kapiten, dhe ishte kapiten edhe në dhomën e zhveshjes”, është shprehur Unai Emery, trajner i skuadrës londineze.

Por, edhe futbollistit shqiptar, i pëlqen kjo ide. “Nuk ka të bëjë gjithçka me shiritin ne dorë. Ne duhet të punojmë mirë së bashku në fushë dhe jashtë fushës, të gjithë lojtarët bashkërisht”, ka thënë Xhaka.

“Nëse klubi dhe trajneri më japin shiritin, do të isha i lumtur natyrisht. Do të isha mjaft i lumtur sepse kjo është diçka speciale”, theksoi futbollisti shqiptar.

---