Tetovë, nusja vdes në ditën e dasmës

Në ditën kur duhej ta veshte vellon e nusërisë, Arjeta Aliti 23 vjeçe, ka ndërruar jetë, duke lënë në gjysmë dy dasma. Fustanin e nusërisë ia kanë hedhur mbi arkivol

Një tragjedi si në legjenda ka ndodhur të dielën në Tetovë, duke shkaktuar shok për shumë qytetarë gjithandej Ballkanit. Në ditën kur duhej ta veshte vellon e nusërisë, Arjeta Aliti 23 vjeçe, ka ndërruar jetë, duke lënë në gjysmë dy dasma, atë të familjes dhe të dhëndrit që priste nusen.

Arjeta Aliti ka vdekur nga një sulm kardiak, ndërsa mbi funeral ia kanë vendosur fustanin e nusërisë, pasi që ajo atë ditë kishte planifikuar ta veshte si nuse.

Arieta ishte e fejuar në fshatin Dobrosht të komunës së Tearces, ndërsa edhe në familjen e dhëndrit gjithçka ishte gati për pritjen e nuses. Sipas medieve lokale, vdekja e natyrshme kësaj vajze i ka mbyllur në zi dy familjet, por edhe rajonin e Tetovës.