Ministri i Jashtëm i Kosovës, Behgjet Pacolli, reagoi pas ngjarjeve të rënda që ndodhën në Shtetet e Bashkuara të Amerikës ku mbetën te vdekur dhjetëra persona të pafajshëm për shkak të sulmeve me armë.

Ja postimi i plot i Behgjet Pacollit:

Brenda pak orëve, pamë dy lajme tronditëse, për vrasjet në El Paso, Texas dhe Orgeon, Ohio, në Shtetet e Bashkuara të Amerikës. Dhjetëra qytetarë të pafajshëm kanë humbur jetën, dhe po ashtu shumë të plagosur ishin cak i veprave të shëmtuara kriminale. Në këto momente të vështira lutemi për familjet e viktimave dhe të lënduarve. Qytetarët dhe institucionet e Kosovës janë gjithmonë pranë popullit dhe Shteteve të Bashkuara të Amerikës, ka shkruar Pacolli, përcjell Albinfo.