Lajme

Nis në Gjakovë Shkolla Verore për Ndërmarrësi

Në Gjakovë ka nisur Shkolla Verore për Ndërmarrësi, në kuadër të së ciklës një grup studentësh do të ndjein kesione nga ekspertë të ndryshëm në fushë të ndërmarrësisë.

E premte, 15 Gusht 2014 - 16:10 albinfo.ch

Siç njofton Ministria e Tregtisë dhe Industrisë (MTI) e Republikës së Kosovës , fillimin e këtyre leksionve e ka shpallur të hapur minstri i MTI-së, Bernard Nikaj, i cili në hapje ka thënë se kjo shkollë është një rsat i mirë për të rinjtë kosovarë që duan t’i futen afarizmit dhe ndërmarrësisë.

“Kam kënaqësinë e veçantë që një shkollë e tillë po hapet për herë të parë në Gjakovë, dhe kjo realizohet në saje të përpjekjeve tona për disa vite me radhë të kemi një shkollë të tillë edhe në Kosovë”, ka thënë Nikaj.
 
Me këtë rast ministri Nikaj përgëzoi organizatorët për organizimin e akademisë “Mobile Application and Technology” dhe studentët, të cilët do të marrin pjesë në akademi, ku do të kenë mundësi të shprehin kreativitetin e tyre, njohuritë që kanë marrë gjatë studimeve dhe në të njëjtën kohë të marrin njohuri të reja për fushën që ata kanë zgjedhur.
 
“Qeveria e Kosovës në bashkëpunim me Ministrinë e Tregtisë dhe Industrisë ka identifikuar sektorin e teknologjisë informative dhe ofrimit të shërbimeve si një prej sektorëve me më së shumti potencial për zhvillimin e ekonomisë së Kosovës, dhe njëkohësisht ka hartuar projekte dhe plane konkrete për fuqizimin e mëtejmë të këtij sektori”, ka thënë Nikaj, në hapje të kësaj akademie verore.
 
Ndërkaq, Shpend Kumnova, asistent ekzekutiv në Qendrën Inovative të Gjakovës, ka bërë të ditur njëzet studentët pjesëmarrës nga e tërë Kosova do të paisen me certifikata. Kjo shkollë, ka shtuar më tejKumnova, ka të bëjë me nxitjen e ideve të bizneseve të reja, ku ligjërues nga SHBA-ja, si dhe nga Kosova, e po ashtu ekspertë vendorë dhe ndërkombëtarë do të sjellin përvojat e tyre. Gjatë kohës sa mbahet kjo shkollë verore, gjithë studentët do të jenë të sistemuar në Gjakovë.
 

 Të tjera nga Lajme

Qeveria e Shqipërisë miraton projektligjin që lejon tregtimin e kriptomonedhave

 E-Diaspora

 Jeta në Gjermani