Bregdeti shqiptar me më shumë turistë të huaj

Shoqata Shqiptare e Turizmit thotë se këtë vit bregdetin shqipat e kanë vizituar më shumë turistë të huaj. Ndërsa numri i tursitëve nga Kosova ka shënuar ulje.

Në prag të mbylljes së sezonit turistik veror nga Shoqata Shqiptare e Turizimit kanë treguar se tursitët nga Kosova kanë preferuar këtë vit më shumë Ulqinin.

„ Për shkak të marketingut të mirë kanë dominuar nga ana tjetër turistët ndërkombëtar, veçanërisht nga Evropa Juglindore ”, u shpreh Enver Mehmeti nga Shoqata Shqiptare e Turizmit.

Harta e pushuesve është zgjeruar me më shumë turistë nga Polonia, Çekia apo Sllovakia, të cilët pëlqejnë të pushojnë në bregdetin shqiptar për bukuritë e rralla që ai ofron.

Por, sipas Shoqatës Shqiptare të Turizmit, sfidë e rëndësishme vazhdon të mbetet problematika në ofrimin e shërbimit për pushuesit.

“Tregu i Shqipërisë është një treg me burime të jashtëzakonshme të mosmenaxhuara mirë që ka nevojë për modele të sakta dhe që të japë shërbime që mungojnë realisht për efekt të mungesës së shkollave të turizmit, dijeve se si bëhet turizëm dhe për këtë ka një ndjesi në raport midis vlerës dhe shërbimit”, thotë Mehmeti.

Shoqata Shqiptare e Turizmit thotë se nevojitet një model i ri ndërsa marketingu nuk duhet të përqendrohet vetëm në muajt korrik dhe gusht.