Një OJQ dhe banorët do t’i vendosin tabelat për orientimin e diasporës

Për shkak të mungesës së shenjave mërgimtarët po hargjojnë orë të tëra

Një OJQ nga Podujeva po pretendon se në mungesë të tabelave sinjalizuese për rrugën drejt pikave kufitare, mërgimtarët po harxhojnë orë të tëra.Kësisoj, OJQ-ja “SDK” thotë se bashkë me disa qytetarë do të bëjë vendosjen e tyre.“Mungesa e tabelave informuese për ne kufirin e Mutivodes po bën që bashkatdhetarët të kalojnë orë të tëra deri të gjejnë rrugën e duhur për në atë pikë kufitare. Nuk mjafton që bashkatdhetarët tanë po maltretohen duke pritur me nga pesë orë në kufij, po institucionet përkatëse nuk marrin mundin të vendosin as tabela informuese deri në kufi”, thuhet në njoftimin për media të kësaj organizate.

“Duke e parë të domosdoshme vendosjen e tabelave informuese për bashkatdhetarët OJQ SDK së bashku me disa banorë do të vendosin disa tabela orientuese të përkohshme që bashkatdhetarët tanë të kenë më të lehtë orientimin deri në kufirin e Mutivodës”, thuhet më tej në këtë njoftim.Vendosja e tabelave fillon nga fshati Orllan deri në kufi, sot në orën 14:00.

---