Zgjedhjet e parakohshme në Kosovë mbahen më 6 tetor

Presidenti i Republikës sё Kosovës, Hashim Thaçi ka marrё sot vendim për shpalljen e zgjedhjeve tё parakohshme për Kuvendin e Republikës sё Kosovës dhe ka caktuar ditën e diel, 6 tetor 2019, datë për mbajtjen e zgjedhjeve.

“Udhëzohet Komisioni Qendror i Zgjedhjeve i Republikës sё Kosovës t’i ndërmerr tё gjitha veprimet e nevojshme për organizimin dhe mbajtjen e zgjedhjeve për Kuvendin e Republikës sё Kosovës, nё përputhje me kёtё vendim dhe legjislacionin nё fuqi”, thuhet nё mё tej nё vendimin, tё cilin e ka nënshkruar presidenti Thaçi.

Gjatë ditës, presidenti kosovar dekretoi shpërndarjen e Legjislaturës sё VI-tё tё Kuvendit tё Republikës sё Kosovës.

Kuvendi i Kosovës u shpërnda më 22 gusht, pas dorëheqjes së Ramush Haradinajt nga pozita e kryeministrit të Kosovës, më 19 korrik.

Haradinaj kishte tdhënë dorëheqjen me arsyetimin se ka marrë pjesë nga Prokuroria Speciale për Krime Lufte në Kosovë për t’u intervistuar si i dyshuar.