Lindën 29 mijë, ndërsa vdiqën 8 mijë banorë

Sipas statistikave, numri i lindjeve vitin e kaluar në Kosovë është 29,724, kurse numri i vdekjeve ishte 8,317. Kjo dëshmon se nataliteti mbetet pozitiv

Agjencia e Statistikave të Kosovës (ASK) ka publikuar raportin mbi “Vlerësimin e Popullsisë 2013”, sipas të cilit, popullsia në Kosovë është rritur për 21,407 banorë. Sipas statistikave, numri i lindjeve vitin e kaluar është 29,724, kurse numri i vdekjeve ishte 8,317. Kjo dëshmon se nataliteti në Kosovës mbetet pozitiv.

Ky publikim, siç raporton ASK, ofron të dhëna statistikore mbi popullsinë (demografinë) në nivel vendi dhe komune, për popullsinë rezidente. Pra në këtë raport nuk janë përfshirë qytetarët që jetojnë në diasporë, që përbëjnë një të tretën e trungut demografik të Kosovës.

“ASK-ja do të vazhdojë ta bëjë këtë vlerësim, çdo vit, me qëllim që të sigurojë serinë kohore të treguesve demografikë mbi ndryshimet në nivel territorial”, thuhet në komunikatën për media.

Popullsia e Kosovës për vitin 2013 (01 janar-31 dhjetor), sipas ASK-së, vlerësohet të jetë 1,820,630 banorë rezidentë krahasuar me vlerësimin e vitit 2012, që ishte 1, 815, 606 banorë.

Ndërkaq, numri i të kthyerve në Kosovë gjatë vitit 2013 ishte 3,864 banorë, përderisa numri i emigrantëve kosovarë ishte 20,246 banorë. “Në këtë publikim janë përfshirë edhe lëvizjet e brendshme të popullsisë (nga një komunë në tjetrën), ku numri i përgjithshëm është 9,330 banorë”, thuhet në raport.

Ndryshe, në vitin e 2012, në Kosovë kanë lindur 27.743, ndërsa kanë vdekur 7.317

Shtimi natyral ishte 20.426.