Zyrtare: Armando Sadiku prezantohet te Malaga

Autori i goli të vetëm të Shqipërisë në finalet e Europianit është konsultuar edhe me Keidi Baren para se të merrte vendimin

 

Skuadra e Malagas prezanton Armando Sadikun, të cilin e mori në formë huazimi nga Levante.

Sulmuesi kuqezi, në prononcimin e parë para medieve si futbollist i andaluzëve u shpreh:

“Unë jam sulmues dhe më pëlqen të luaj në zonë, të shënoj gola dhe të ndihmoj ekipin. E kam parë skuadrën mirë në dhomën e zhveshjes. Gjithçka duket në rregull, lojtarët thjesht mendojnë për të luajtur”.

Sigurisht që autori i goli të vetëm të Shqipërisë në finalet e Europianit është konsultuar edhe me Keidi Baren para se të merrte vendimin.

“Fola me Keidin para se të vija këtu dhe më tha se kemi një ekip të mirë. Ai më tha se na mungon diçka në sulm. Kjo më më ka motivuar më shumë dhe tani është koha për të punuar e shënuar gola për Málagan. Të gjithë më kanë folur shumë mirë për këtë ekip, që gjithmonë ka luajtur në La Liga dhe ka infrastrukturë shumë të mirë. Këtu kanë luajtur sulmues mjaft të mirë, ndaj është nder për mua të kem mundësinë të luajtur në Malaga. Sot kam zhvilluar stërvitjen time të tretë, trajneri është një njeri shumë pozitiv dhe më ka shpjeguar mënyrën sesi do të luajmë. Jam shumë i kënaqur, pasi më kanë pritur shumë mirë”.

Prezantimi i Sadikut dhe i dy futbollistëve të tjerë, përcjell Albinfo.ch.

 

---