Ky është Universiteti më i mirë në botë për të katërtën herë

Universiteti i Oksfordit është renditur i pari në listën ndërkombëtare të universiteteve më të mira për të katërtin vit me radhë.

Vlerësimet vjetore të realizuara nga revista “Times Higher Education” kanë renditur universitetin amerikan, Instituti i Kalifornisë për Teknologji, në vendin e dytë si dhe Universitetin Kembrixh në të tretin, përcjell albinfo.ch.

Mirëpo kësaj here është paralajmëruar se universitetet në Britani janë “duke pasur vështirësi për të ruajtur vendin e tyre” kundrejt rivalëve globalë. Sipas përpiluesve të listës, Gjermania ka mundësi të tejkalojë Mbretërinë e Bashkuar sa u përket universiteteve më të mira në Evropë, transmeton tch.

Universitetet amerikane vazhdojnë të dominojnë në renditje botërore, pasi shtatë prej tyre gjenden në listën e 10 institucioneve më të mira. Sipas revistës, universitetet e Iranit kanë qenë në mesin e institucioneve që janë ngjitur lart më së shpejti në listën e këtij viti.