Çdo i dyti përdor barna për qetësim

Sipas analizave të Fondit për Sigurim Shëndetësor, çdo i dyti qytetar i Maqedonisë ka shfrytëzuar së paku një pako të barnave për qetësim. Përdorimi është rritur për 30 %

Fondi për Sigurim Shëndetësorë në Maqedoni raporton për rritje drastike të përdorimit të barnave qetësues nga qytetarët. Sipas analizave të fundit del se çdo i dyti qytetar i Maqedonisë përdorë barna për qetësim, Diazepam, Apaurin, Lekselium, Heleks dhe Sanvall.

Konsumimi më i madh i barnave, sipas këtij fondi, vërehet në Berovë dhe Ngeotinë, ku shfrytëzohen kryesisht Diazepami dhe Apaurini, ndërsa në Manastir më shumë përdoret Lekselium dhe Bromazepam, kurse në Kërçovë Heleks

“Analizat janë shqetësuese sepse është konstatuar se në vitin 2010 mbi 1.250.00 receta janë realizuar në barnatore që do të thotë se mesatarisht çdo i dyti qytetarë i Maqedonisë ka shfrytëzuar më së paku një pako nga këto barna”, citon INA Fondin për Sigurim Shëndetësor.

Ndërsa më shqetësuese është fakti se përdorimi i këtyre barnave në vitin 2013 është rritur në 1.600.000, që do të thotë se ka rritje prej 30 për qind.