Në Angli, për të bindur Shaqirin

Një delegacion nga Zvicra ka udhëtuar drejt Anglisë për të bindur Xherdan Shaqirin që të rikthehet te Nati

Tema e Xherdan Shaqirit vazhdon të jetë e ‘nxehtë’ në Zvicër. Ai nuk u grumbullua për ndeshjet e shtatorit, me arsyetim se do të përqendrohet te skuadra e Liverpoolit, shkruan albinfo.ch.

Flitet se Shaqiri nuk erdhi te Zvicra për shkak të çështjes së kapitenit, derisa Granit Xhaka është i gatshëm t’ia dorëzojë shiritin.

Mediat zvicerane raportojnë se një delegacion nga Zvicra ka udhëtuar drejt Anglisë për të folur me Shaqirin dhe për ta bindur që të rikthehet.

Drejtori i Përfaqësueses, Pierluigi Tami, dhe trajneri Vladimir Petkoviq pritet të takohen me yllin shqiptar në Mançester, ku jeton Shaqiri për ta bindur, përcjell tutje albinfo.ch.

Xherdan Shaqiri është një nga lojtarët kryesorë te Zvicra në vitet e fundit.

 

---