Festivali i Kafesë dhe Çajit nis më 30 shtator në Prishtinë

Më 30 shtator në Prishtinë nis Festivali i Kafesë dhe Çajit.

Në këto ditët të para të vjeshtës, sheshi “Zahir Pajaziti” në Prishtinë do të mbushet me aromën e kafesë dhe çajit, përcjell albinfo.ch.

Më datat 30 shtator, 1 dhe 2 tetor 2019, nga ora 10:00 deri në orën 20:30 Festivali i Kafesë dhe Çajit – 5 rihap dyert për të mirëpritur adhuruesit e kafesë dhe çajit.

Brendet e reja që e dominojnë tregun vendor dhe ndërkombëtar të kafesë dhe çajit do të ekspozohen në ambient të hapur nga rreth 15 kompani pjesëmarrëse.

Përveç shërbimit me kafe dhe çaj, risi do të jetë muzika live nga ora 11:00 – 13:30.