​“Ditët e Kulturës Shqiptare” në diasporë

Ministria e Diasporës dhe Investimeve Strategjike ka filluar organizimin për “Ditët e Kulturës Shqiptare” në diasporë.
Sipas MDIS, ky është një prej aktiviteteve më të rëndësishme të kësaj ministrie, ku përmes programeve dhe organizimeve kulturore artistike e letrare promovohet dhe kultivohet gjuha dhe tradita shqiptare në botë. “Ditët e Kulturës Shqiptare“ në diasporë kanë nisur me një manifestim kulturor të mbajtur në Kroaci, saktësisht në Prefekturën e Pozhegës dhe Brodit, përcjell albinfo.ch.

Ndërsa aktivitete të ngjashme do të këtë pothuajse gjatë muajve tetor dhe nëntor. MDIS organizon “Ditët e Kulturës Shqiptare” në 11 shtete të ndryshme, përfshirë këtu Slloveninë, Gjermanin, Austrinë, Italinë, Suedinë, Kroacinë, Turqinë, Zvicrën, Anglinë, SHBA-në dhe Kanadanë”, thuhet në komunikatë.