S’ka azil në Gjermani, refuzimi 100 për qind

Ambasadorja e Gjermanisë në Kosovë, Angleika Viet tha se norma e mospranimit të azilit për imigrantë kosovarë në Gjermani është 100 për qind

Të gjithë qytetarët e Kosovës që emigrojnë ilegalisht në Gjermani, nuk kanë asnjë shans që ta marrin statusin e refugjatit. Kështu deklaroi ambasadorja e Gjermanisë në Kosovë, Angleika Viets, e cila iu rekomandoi kosovarëve që mos të ikin nga shtpitë e tyre.

Ajo tha se kushtet ekonomike nuk janë arsye për të marrë azilin në Gjermani. Viets tha se Gjermania 100 për qind do t’i refuzoj kërkesat për azil edhe pse ka rritje të numrit të kërkesave.

“Numri i kosovarëve që marrin rrugën për në perëndim si azilkërkues është rritur në mënyrë dramatike. Nuk do të pranohen! Çështjet ekonomike nuk janë arsye për azil. Norma e mospranimit është 100 për qind. E vetmja mënyrë është vetëm nëse keni leje pune”, theksoi ambasadorja gjermane.

Ajo tha se Ambasada Gjermane është deklaruar në një konferencë shtypi në lidhje me largimin masiv nga Kosova. “Ata rrezikojnë të kthehen më të varfër”, ritheksoi edhe një herë Viets.

Gjithashtu, ajo shtoj se Serbia dhe çdo shtet tjetër që pretendon të hyjë në Bashkimin Evropian e ka kusht ndreqjen e marrëdhënieve fqinjësore. “Dialogu mes Kosovës dhe Serbisë duhet të vazhdojë, përndryshe nuk ka zhvillim. Zhvillimi ekonomik do të shtyjë procesin e pajtimit mes dy vendeve”, vlerësoi diplomatja gjermane.