AKI nuk ka kujt t’i raportojë për incidentin në KQZ

Zarfet dyshohet që përmbajtën edhe substanca kimike

Zarfet me votat e diasporës për zgjedhjet e 6 tetorit hynë në Kosovë si çdo herë tjetër.

Veçse kësaj radhe ato dyshohet që përmbajtën edhe substanca kimike që shkaktuan reagim të zyrtarët e KQZ-së që po i numëronin ato gjatë së dielës.

E nëse kjo del e vërtetë, mbase duhet një sqarim nga Agjencia Kosovare e Inteligjencës.

Në raste të lëshimeve të tilla, shefi i AKI-së do të duhej të raportonte para komisionit parlamentar për mbikëqyrjen e AKI-së, i cili rastisi që gjatë këtyre ditëve të mungoj meqë Kosova aktualisht nuk ka kuvend funksional.

Sipas ish-nënkryetares së këtij komisioni gjatë legjislaturës së kaluar, pavarësisht se AKI ka parandaluar incidente të ndryshme, ky institucion nuk është përballur më herët edhe me helmim të qëllimshëm nga jashtë.

---