Në Gjermani mbahet kongresi i dytë i bizneseve shqiptaro-gjermane

Në Frankfurt mbahet kongresi i dytë i bizneseve shqiptare në Gjermani, ku marrin pjesë biznese nga e gjithë Gjermania, por edhe përfaqësues të bizneseve nga Kosova, shkruan albinfo.ch.

Ideja e këtij unioni është që të krijohen ura bashkëpunimi si dhe ato bashkëpunime që janë të thellohet lidhja e tyre, në mënyrë që të përfitojnë bizneset shqiptare.

Kryetari i Unionit të Bizneseve Shqiptaro-Gjermane, Nazim Vinqa, ka thënë se kongresi kësaj radhe është më i gjerë dhe përpos anëtarëve dhe bizneseve në Gjermani, ka të ftuar edhe shumë mysafirë nga Evropa në përgjithësi.

“Pjesëmarrës janë njerëz që merren më biznese, kemi prodhues nga Kosova, Shqipëria. Kemi njerëz të ekonomisë, të biznesit. Kemi organizuar edhe një minipanair, ku prodhues nga Kosova i prezantojnë produktet e veta dhe qëllimi ynë është që prodhuesve kosovarë t`ua hapim dyert këtu në tregun gjerman”, tha Vinqa në një deklaratë për media, transmeton albinfo.ch.