Përmbytjet dëmtuan rëndë qytetin e Venecias

Venecia është përmbytur nga ujrat e mëdha që kanë shkaktuar dëme të parikuperueshme. Uji ka hyrë nëpër banesa dhe njerëzit kanë shpallur alarmin për ushqim, transmeton albinfo.ch.

Thuhet se niveli i ujit preku vlerat e 1.87 metrave sipas Qendrës së Monitorimit të Baticave, më i larti në 50 vjet. Vetëm në një rast që prej regjistrimit të të dhënave në vitin 1923, vala e baticës ka qenë më e lartë, në nivelin e 1.94 metrave.

Venecianët u zgjuan mes sirenave të enjten duke treguar se ujërat e larta po kthehen, pasi qeveria e Italisë përgatitej të merrte masa emergjente për qytetin e përmbytur.

Këto përmbytje shkatërruan shumë banesa, hotele dhe turistë po iknin përmes ujërave me ngritje të shpejtë.

Në videon më poshtë do të shohim se si Sheshi Shën Marku, ku gjendet bazilika, është prekur disa herë nga baticat e mëdha, meqë gjendet në një prej pjesëve më të ulëta të qytetit. /Albinfo.ch

 

Kliko për video:

https://videos.dailymail.co.uk/video/backup/2019/11/13/4246204087315745930/480x270_MP4_4246204087315745930.mp4?_=3″

 

 

 

 

 

---