Si u mashtruan tifozët nga diaspora me bileta

Vazhdojnë problemet për të siguruar një biletë për ndeshjen Kosovë-Angli

Interesimi është i madh për ndeshjen Kosovë-Angli, derisa numri i biletave është shitur në kohë rekord, shkruan albinfo.ch.

Megjithatë, kishte shumë akuza drejt kompanisë që shet biletat online se po shesin në mënyrë jo të organizuar dhe jo të rregullt, kurse biletat kanë dalë në tregun e zi.

Për ndeshjen në Prishtinë kanë ardhur edhe shumë tifozë nga diaspora, por që nuk kanë marrë biletë, edhe pse u ishte premtuar.

Një tifoz kështu ka shprehur mllefin e tij. “Një pjesë e tifozëve të ardhur nga Zvicra që po i takoj sot në Prishtinë, kanë mbetur pa bileta, ndonëse ato u janë premtuar. Pra, ata kanë ardhur në Kosovë me premtimin që biletat do t’i marrin kur të vijnë në Prishtinë.

Në Prishtinë, në fakt, bileta ka sa të duash, por vetëm në tregun e zi dhe ate me një çmim fillestar, prej 100€…

Për ata që kanë rezervuar e iu kanë premtuar biletat, pra për shacat, s‘ka – ka ndodhë një keqkuptim“, iu kanë thënë.

Ato bileta kanë qenë të ndara për grupin e tifozëve „Dardanët“ (dhe janë shitur për 5€). Kurse tani i kanë nxjerrë në treg të zi për 100€.

Turp!”, ka shkruar një tifoz nga diaspora në Facebook.

---