Historia e kësaj familje që humbi në rrënojat e vilës së tyre disakatëshe anëtarë të shumtë, është trajtuar edhe nga e përditshmja e njohur italiane CorrieredellaSera.

Ishin forcat e kërkimit shpëtimit nga Italia ato që kanë nxjerrë nga rrënojat trupat e nënës dhe tre fëmijëve të saj të përqafuar në krevat.

Sipas Agi Luca Cari, përgjegjës i komunikimit i Zjarrfiksave shqiptarë, vila katër katëshe ku jetonte familja kishte pësuar dëme të menjëhershme dramatike.

‘Ishte e gjitha e dëmtuar, me soleta njëra mbi tjetrën, një situatë shumë e vështirë për tu operuar’

Historia e familjes Lala po trondit vendin.

Reuters referon se një nga motrat e Berti Lalës, nëna e tij 79 vjeçare dhe një nip janë të gjithë midis viktimave përcjell Albinfo.ch.

Një nip 17 vjeçar, përkundrazi u gjet i gjallë të martën.

Ajo që e shpëtoi djalin mesa duket ishte një lavatriçe e cila u spostua nga tronditja e fortë, duke e bllokuar në momentin që po bëhej gati të dilte nga shtëpia.

Banesa e Berti Lala ndodhej në lagjen Kënet dhe ishte  ndërtuar në një zonë të bonifikuar.