Kurti siguron edhe një votë për qeverinë e re

Kurti ka bërë me dije se ka votën edhe të deputetes boshnjake, Emilia Rexhepi

Albin Kurti, kryetari i Vetëvendosjes, po vazhdon t’i takojë pakicat joserbe për të siguruar votat për votimin e Qeverisë së re.

Përmes një njoftimi në Facebook, Kurti ka bërë me dije se ka votën edhe të deputetes boshnjake Emilia Rexhepi.

Mes tjerash, ai ka thënë që së bashku kanë diskutuar për sfidat e qeverisë sonë për zhvillim ekonomik, për reformë arsimore, sundim të ligjit, demokratizim dhe barazi sociale, që sipas tij, nuk përjashton askënd.

Shkrimi i plotë i Kurtit:

Znj. Emilia Rexhepi do të jetë sërish deputete boshnjake në Kuvendin e Kosovës. Ajo e konfirmoi votën e saj për mua si kryeministër dhe për qeverinë tonë të re. Sërish në “Ambient” të Prizrenit u takuam dhe biseduam për sfidat e qeverisë sonë për zhvillim ekonomik, për reformë arsimore, sundim të ligjit, demokratizim dhe barazi sociale, që nuk përjashton askënd. Diskutuam edhe për forcimin e lidhjeve institucionale me Sanxhakun dhe Sarajevën.

---