Ambasadori gjerman për formimin e Qeverisë: Kjo është java vendimtare

Ambasadori i Gjermanisë në Kosovë, Christian Heldt, ka folur rreth krijimit të institucioneve të reja të Kosovës.

Përmes një postimi në Twitter, Heldt ka ritheksuar qëndrimin e tij për krijimin e institucioneve, duke shtuar se Kosova ka nevojë për Qeveri të re.

Heldt ka përmendur edhe bisedimet për koalicionin ndërmjet LDK-së dhe VV-së, duke e quajtur vendimtare këtë javë

“Rrezet e diellit po depërtojnë përmes mjegullës e reve. Një ogur i mirë në këtë mëngjes të së hënës për t’i rrumbullakuar me sukses bisedimet për koalicion. Kosova ka nevojë për qeverinë e re, ne të gjithë dëshirojmë që t’i kthehemi punës. Ju uroj fillim të mbarë të kësaj jave vendimtare”, ka shkruar Heldt.

Ndryshe, në Kuvendin e Kosovës sot ka filluar regjistrimi i deputetëve të rinj për legjislaturën e shtatë.

Ndërkohë partia fituese e zgjedhjeve të 6 tetorit, Lëvizje Vetëvendosje e cila është në negociata me Lidhjen Demokratike të Kosovës, ende nuk kanë arritur një marrëveshje për formimin e Qeverisë së Kosovës.